PIÈCE N« LX
HEVOCATIO MONETE. XXVl*» NOVEMBRIS Ulic LXXXIII.
26 Novembre 1483. }{oàïe Domini conclusionem fecerent de moneta seu merellis, dictis mereaulx, de vi denariis turonensibus ,
secundum tenorem cujusdam cedule hujus magistri, revocandis et quod fiât proclamatio, more solito, per dominos prepositum et scabinos hujus civitatis. Ténor vero sequitur ipsius cedule ad faciendam dictam proclamationem. Pour ceque de très grande anchienneté messeigneurs doyen et chapitre de Teglise de Cambray, tant pour le furnissenicnt des distributions et payemens, qui ordinairement et jornelment se font en ladite église aux beneficiers habitués et suppos d'iccUe . comme pour subvenir à la chose publique et adfin que les manans et habitans en ladite cité aussi les fréquentans en icelle se puissent mieulx et plus aysiement affurnitier, appointier et concorder en leurs affaires et marchandises, espécialement en provisions et esseu de vivres et de breuvages, mesmement en élargissement de aulmones et aultres œuvres caritables, ayent fait forgier certains mereaulx de trois sortes, qui en ladite cité ont eu communément cours, assavoir les grans només blans, por vi deniers tournois, les moyens por 2 deniers tournois et les petits por 1 denier tournois; en quoy le commun peuple a eu très-grant aisément ; et que présentement aulcun por leur proffit particulier se parforchcnt faire tel amachs, accumulation et recueil desdits mereaulx que, a très grant difficulté lesdils du chapitre enstendent ou poevent recouvrer por furnissement desdites distributions ordinaires, ne le commun peuple pareillement, et por subvenir a ses affaires, en préjudice de la chose publique, à laquelle nous, prévôt et eschevins de la dite cité, debvons avoir regard et ad ceste cause por y remédier et porveoir a ladicte requeste desdits seigneurs doyen et chapitre de Cambray, commandons et expressément enjoindons que, en dedans le jour de la Nativité notre Seigneur prochain venant, tous ceulx et celles qui ont desdits mereaulx pardevers eux et en désirent ou voeulle profficter, les rapportent es mains de messire Jehan Verdure et messire Guillaume Pépin, chapcUains de ladite Eglise de Cambray, commis desdits du chapitre, pour d^autant qu'ils en délivreront, rechepvoir en or ou bonne monnoye ayant cours en ladite cité, la vraie value montante desdits mereaulx; car se aulcun se rendent en che desobeyssans et sont en deffault de endedans ledit jor de Noël prochain , rapporter les dits mereaulx par le manière dicte, depuis en avant les dits du chapitre ne seront ternis de les plus reprendre, ne auront aulcun cours en ladite cité. Ains seront poinçonnés nouveaulx mereaulx ou les rapportés se marqueront de uouvellc enseigne por de la en avant avoir lesdits cours au bien de la chose publique, ainsy que anchicnemcnt a esté accoustumé.*
