PRESIDENT DE BARROIS

Sous ceste tnmbe est gisant Alexandre , Non pas celuy qui son nom fît espandie Par l'univers; non pas celuy de Troye, Qui par l'amour mit son pays en proye ; Alexandre est cestuy-cy de Barrois , Qui à bon droict faict le nombre des trois,

A l'un Juno fît présent de ses biens; Tenus à l'autre a eslargi les siens; A cestui-cy, Pallas , noble déesse, De ses trésors a faict grande largesse.

Le Grec conquit le monde à force et peine,- Par estre beau, le Troyen eut Heleine; Cil de Barrois par prudence et scavoir Los immortel a mérité d'avoir

DE MADA3IE DE CHASTEALBRIANT.

Sous ce tumbeau gist Françoise de Foix, De qui tout bien tout chacun souloit dire , Et le disant, onc une seule voix Ne s'avança d'y vouloir contredire.

De grand' beauté, de grâce qui attire,

De bon sçavoir , d'intelligence prompte ,

De biens, d'honneurs, et mieux que ne racompte,

Dieu éternel richement l'estoffa.

O Viateur, pour t'abreger le compte,

Ci gist un rien, là où tout triumpha.