Mais. — 2. Liberté*. — 3. Forçat. V. Ronsard, p
Et ce qu'à • mon amour m'a fait un plus grand tort, N'est sinon mon amour trop ardent et trop fort. Si je t'eusse porté l'amitié froide et lente, La tienne en eust esté beaucoup plus violente. Si bien que sans aymer j'eusse aisément acquis Ton amour qu'en aimant acquérir je ne puis....
Je sçay que rien en moy ne t'a peu tant déplaire Que tout ce que l'amour me contraignoit à faire. La peur, la jalousie et les mortels soupçons. Que tu nommois en moy si mauvaises façons, Qui te déplaisoyent tant, n'estoit-ce l'amour mesmes Qui causoit en mon cœur ses furies extrêmes? Et si je n'eusse esté d'amour espoinçonné * Je n'eusse aussi de toy rien craint ny soupçonné!....
Doncques pour bien aymer je suis hors de ta grâce ! Et doncques mon amour de ton amour me chasse 1 0 destin malheureux! ô dure cruauté!
Malheureux fut le jour que je vey ta beauté ! Malheureux fut le lieu de nostre cognoissance, Et moy plus malheureux d'estre sous ta puissance!
Car je ne puis, madame, ores me délier, Je ne te puis laisser, je ne puis t'oublier; Et, maugré tes rigueurs cruelles et estranges, Je ne te puis changer encor que tu me changes. Il ne peut dans mon cœur entrer autre que toy. Et tousjours solitaire à part je ramentoy ' Tes gracieux propos et le privé langage Que tu tenois avant que changer de courage. Il me souvient encor du bien et du bonheur Que j'avois tous les jours recevant ta faveur, Quand ta main me serrant d'une estroite caresse Me faisoit les serments d'une saincte promesse; Ou alors que ton bras, engagé de ta foy. Tant amoureusement s'étendoit dessus moy; Ou quand ton ris, ton œil et tes lèvres vermeilles Doucement me baisant me promettoyent merveilles ;
1. Qui à. — 2. Aiguillonné. V. Ronsard, p. 14. — 3. Je rapi)€lle à mon souvenir, du verbe ramentevoir. V. Ronsard, p. «82.
Ou bien en ce temps là que je chassois d'autour De toy ceux qui venoyent pour te faire l'amour.
Hà ! que ne suis-je mort en ce temps-là, madame, Que nous estions tous deux espris de mesme flamme 1 N'estant pas moins aymé que j'estois amoureux, Hàl que je fusse mort content et bien-heureux!...
