IV
Je veu qu'on sçache, Amour, comme elle estoit armée Lors qu'elle prit mon cœur au dedans de son fort : A fin qu'à ma raison nul n'en donne le tort, Et de m'avoir trahy qu'elle ne soit blasmée.
La douceur de ses yeux des plus rudes aimée. Menant mille beautez, fit le premer effort : Son entretien poussoit de grâces un renfort : Son esprit fut le chef de ceste belle armée.
Qu'ussê-je fait tout seul? je me suis laissé prendre : Et c'est à son esprit que je voulu me rendre, Qui me prit, qui me tient, qui à son gré me meine.
Ce tout divin esprit a sur moy tout pouvoir. Mais puis qu'il faut souffrir, je suis heureux d'avoir Si juste occasion de souffrir tant de peine.
Tu m'as ouvert les yeux. Amour, je le confesse : Car je ne souloy voir que c'estoit de beauté, De sçavoir, de vertu, d'addresse, de bonté : Aujourd'huy je voy tout en ma belle maistresse.
Or de voir et revoir ses grâces je ne cesse : Je les pense et repense. A ma grand' loyauté J'en dy mille mercis, pour avoir mérité De cognoistre l'honneur qui tout orgueil abaisse.
J'ay de ce bien divin l'entière cognoissance. A toy seul j'en confesse, Amour, la redevance : Mais, s'il faut dire vray, le trop sçavoir me nuit.
Tu m'as ouvert les yeux d'une lumière pure, Mais plus je voy de biens, tant plus de maux j'endure Et le feu qui m'esclaire est celuy qui me cuit.
K Édit. 1846, p. 511, son. VIII. — 2, Édit. 1846, p. 519, son. XV.
212 'POÈTES DU XVIc SIÈCLE.
vn
J'ay senti les deux maux de l'amoureux martyre : Soit de près, soit de loin, si mal traitté je suis Que je per jugement ; et dire je ne puis, Fors que le mal présent me semble tousjours pire.
Las! en ce choix forcé, que me faut-il élire? Quand je ne la voy point, les jours me semblent nuits, Et sçay que de la voir viennent tous mes ennuis; Mais deussé-je avoir pis, de la voir je désire.
Le soldat courageux blessé d'un coup de trait, Sans prouver sa vertu, meurt avecque regret De ne sentir le coup de quelque main cognue.
Moy, qui cognois combien j'ay partout enduré, De mourir près et loin suis tousjours assuré. Mais quoy? S'il faut mourir, je veu voir qui me tue.
