Coupeau, sommet (L., étym. de coupetu

NICOLAS ELLAIN. 237

Vivre en ce monde cy, mon frère, si tu veux, Si tu veux vivre bien, sçais-tu qu'il te fault faire? Sois courtois à chascun, à chascun débonnaire, A plus petit que toy ne sois injurieux.

Sois amy de chascun, à personne odieux. Imite la vertu de deffunct nostre père, La grâce et la bonté de nostre bonne mère, Et garde bien la loy que gardoient nos ayeux.

Charles, regarde donc , et d'autant que tu m'aymes, Et que tu m'es plus cher que ma personne mesmes, Regarde, je te pry, de suyvre la vertu.

Mon frère, suis aussi la science honorable, Pour ce que le jeune homme apparoist vénérable Aux peuples, quand il est de sçavoir revestu.

Allons, Godin, allons, allons à la fontaine D'Harcueil ou Jentilly, pour rafraischir l'ardeur Du solstice aestival, qu'augmente la chaleur De l'amour que je porte à ma fière inhumaine.

Je boys, Godin, je boys, mais je sens en la vène. En ceste vène là qui tire droict au cueur, Tlne chaleur plus vive et de plus grand'vigueur. Qui me consume au lieu de soulager ma peine.

Je verray donc plus tost les fontaines tarir, Et leurs sources sécher que mon feu amoindrir', Pour ce qu'estant si grand on ne le peut qu'accroistre.

Ainsi voit-on que l'eau, s'il y en a trop peu, Ne sçauroit, mon Godin, amortir un grand feu, Ains * le faict allumer et plus grand apparoistre.

Marauld, tu ne veois plus là ces poudres cendreuses Des vieux palais romains, ny le front sourcilleux