PIERRE DE BRACH, 2C

« Pour sa noirceur, c'est peu de chose Les charbons sont noirs, enfumés, Mais leur vermeil semble une rose Quand ils sont d'un feu rallumés.

« Ma maistresse ainsi noirelette, Bruslant au feu de mon amour, Bien que l'ardeur en soit secrette, Esclaire belle comme un jour.

« Et ce feu qui brusle madame M'enflamme aussi d'un feu pareil :

Puisse en nous vivre cette flamme Jusqu'au jour du dernier sommeil ! »

Docte et sage Nesmond, cependant qu'à Bordeaux Ton espouse future, amoureux, tu courtises, Que proche de ta noce, inventif, tu devises De chaisnes, d'affiquets, d'atours, d'habits nouveaux;

Par ces champs mal-plaisants qui souloientm'estre beaux Tant que le sort voulut, par cent mille surprises Je suis saisi de deuil, ne songeant qu'aux devises De pleurs, de feus esteints, de morts et de tombeaux

D'un heureux proche hymen un espoir te contente, D'un heureux mort hymen sans espoir je lamente. Hélas 1 que bien contrayre est nostre passion 1

La tienne vient du gain d'une espouse attendue, La mienne vient du dueil de la mienne perdue : Tu n'attends que plaisir, moy, rien qu'affliction.