LE CINQUIÈME JOUR

0 Dieu, combien de fois sous les fueilleux rameaux [620] Et des chesnes ombreux et des ombreux ormeaux J'ay tasché marier mes chansons immortelles Aux plus mïgnards refrains de leurs chansons plus belles ! Il me semble qu'encor j'oy dans un verd buisson D'un sçavant rossignol la tremblante chanson, Qui tenant or' la taille, or' la haute-contre, Or' le mignard dessus, ore la basse-contre, Or' toutes quatre ensemble, appelle par les bois Au combat des neuf Sœurs les mieux disantes voix. A trente pas de là, sous les fueilles d'un charme, Un autre rossignol redit le mesme carme ' ; Puis, voulant avec lui pour l'honneur estriver *, Chante quelque motet pourpensé * tout l'hyver. Le premier luy réplique et d'un divin ramage Ajouste à son doux chant passage sur passage, Fredon dessus fredon, et leurs gosiers plaintifs Despendent ^ toute l'aube en vers alternatifs. Mais souvent le vaincu porte si grand'envie A l'honneur du vainqueur qu'il perd et voix et vie Tout en mesme moment; et le joyeux vainqueur Est des autres prisé comme maistre du chœur.

1. Tacheté*. — 2. Peint de diverses couleurs. V. Baïf, p. 8. — 3. Chant, Carmen '. — 4. Quereller*. — 5. Médité. V. Baïf, p. 6. — 6. Dépensent*.

Sur la pointe du jour, d'un chant plein de délices,

Il enseigne la game à cent petits novices.

Et puis, les connoissant dignes d'un plus haut son.

Il leur baille, sçavant, quelque obscure leçon,

Que verset par verset, studieux, ils recitent,

Et la bouche maistresse exactement imitent.