A FRANÇOIS RÉMOND

Mon cher Rémond, qui fais dextrement marier La lyre de Phœbus aux textes de Scévole, Tu t'enquiers si depuis que j'ay quitté l'escole l'ay suyvi le barreau ou bien le train guerrier.

La vente des Estats, le mespris coustumier De la saincte Themis qui de çà-bas * s'envole, L'horreur du fer civil qui nostre France affole, M'ont fait tant desdaiguer l'un et l'autre mestier,

Que, loin d'ambition, d'avarice et d'envie, Je passe oisivement en mon Bartas la vie, Me contentant du bien par les miens aquesté.

Mais tel, mon cher Rémond, et nuit et jour se peine Pour s'immortaliser, dont peut-estre la peine Ne sert tant au public que mon oisiveté.