Fermé. V. Ronsard, p

Que l'amoureux plaisir, parmy l'obscur de l'ombre, Ne doit estre estimé entièrement parfait ♦.

Tu me donnois moyen, estant las d'autre chose, De mirer à mon aise et son front et ses yeux. Et de noyer ma veue en sa bouche, où repose Cette douce liqueur qui enyvre les dieux.

Ainsi en cent façons, soigneux, je prenois peine De soulier chaque sens de son propre plaisir : Une douce langueur, coulant de veine en veine. Me venoit puis après enfin le cœur saisir.

Mais que le temps fut court! Aurore matineuse, Tu t'ennuyas bien tost de ce mary vieillard : Hà? tu fus sur nostre heur jalouse et envieuse, Il t'en faudroit avoir un qui fust plus gaillard.

Dy, que ne cherches-tu, si ton mary t'ennuye. Quelque amy qui soit jeune et mieux duit * à l'amour? Falloit-il cependant que par ta jalousie Nous fussions si matin importunez du jour.