Liberté

Tu trouveras peut-estre ce papier Estre tracé d'une nouvelle sorte, Car en effect pour escrit il ne porte Que vers la fin ce seul mot de Pasquier.

Pour messager autre je ne requier Que mon démon, c'est luy seul qui m'eniporle, C'est ccluy-là qui en toy me transporte, Du tout * en luy tu te pourras fier.

Remplir tu peux ce papier et y mettre, Voire ma mort, car ce n'est une lettre Que je t'envoye, ains * seulement un blanc :

Blanc cacheté d'un costé de mes armes, D'autre costé de mes pleurs et mes larmes, Et que sceller je suis prest de mon sang.

Ronsard, à qui la France fait hommage, Pendant qu'icy d'un bras audacieux Fais retentir nos gestes jusqu'aux cieux, Faisant trembler sous ta plume nostre aage ;

Moy, ton Pasquier, non de moindre courage, Mais non d'un son autant industrieux, Fay resonner les assaux furieux De mes amours et leur bouillante rage.

Tu chantes haut les monarques, les rois, * Ceux qui sont nez pour establir leurs loix De poix esgal sur toutes leurs provinces :

Quand moy, quittant humblement ces discours. Je chante bas le petit dieu d'amours, Mais petit dieu qui donne loy aux princes.

Mille sanglots dont mon ame est féconde, Mille soupirs, mille ruisseaux aussi,