EPISTRE A REMY BELLEAU

Belleau, mon naturel, dès ma plus tendre enfance, M'a fait admirateur des poètes de France, Et singulièrement du merveilleux Ronsard, Le prince, sans envie, et premier de son art. Mais la grandeur de ceux de vostre docte ligue M'a fait desestimer la téméraire brigue De maints qui sans sçavoir, sans mérite et sans heur, Guident, presumptueux, empoigner vostre honneur. Car qui pense imiter la lyre incomparable, Belleau, de mon Ronsard à Marsye est semblable. Lequel fut déchire par des jalouzes mains, En despitant un dieu plus grand que les humains. Toutesfois un fascheux m'ose à la Vendosmoise Bien souvent égaler la lyre Quercinoise. Celuy-là, mon Belleau, a pareil jugement Qu'un Mide phrygien, qui préféra le chant Du dieu cornemuseur aux gratieuses rimes Du plus docte Apollon : il compare les cimes Des cyprès orgueilleux aux foibles aubespins. Et les bas groizeliers à la hauteur des pins...

Ronsard, à mon avis, a bien suyvi le train Des meilleurs anciens et touché dans leur main. Car, poëte parfait, aux hymnes il descœuvre ' Une encyclopédie, et en mainte sienne œuvre 11 fait nostre langage en un stile nouveau Passer des anciens le langage plus* beau...