POUR UNE MORE

Qu'avez-vous maintenant, dames, à rire ainsi, Contemplant mon corps noir et ma laide charnure? Telle que me voyez, telle m'a fait * nature, More de nation et de couleur aussi.

Mais,quoy! si j'ay mon corps d'un noir teinct obscurci, Vos masques, vos tourets % d'une noire figure, Vous rendent plus qu'à moy la face bien obscure. Sans joues, sans menton, bouche, nez et sourci.

Partant descouvrez-vous, en montrant vostre face, Plus blanche que la mienne et de meilleure grâce ; Ou bien, dames, cessez d'aller tant mesprisant

Celle qui, ne cachant son naturel visage. Dessus vos masques tient un pareil avantage, Et ne va pas comme eux les hommes abusant.