QUI LE BLASMOYENT DE SJJYVRE LA POESIE
D'où vient cela que l'envieuse rage, Qui les coeurs ronge, entreprend de blasmer Mes ans oisifs, et les vers un ouvrage D'un pauvre esprit et paresseux nommer,
En m'accusant que je ne suy la trace, Estant dispost, de mes nobles ayeux, Qui ont conquis par la poudreuse place Et par le sang maint loyer vertueux?
Ou bien pourquoi me reprend-elle d'estre Si peu soigneux d'estudier la loy.
Pour l'aller vendre au palais, qui faict naistre Un bruit confus et mercenaire abboy?
Telle entreprise en vain tant estimée Ne fuit de mort les accidents divers; Mais j'auray bien une autre renommée Dont je vivray sans fin en l'univers.
Pindare vit et du divin Horace Encores n'est aboly le renom.
Et ne mourra jamais la haute grâce Du Mautouan, célèbre par son nom.
Qui priseroit d'Achille la vaillance, Si le poôte aveugle n'eust tranché
JACQUES TAHUREAU. 63
L'aisle envieuse à l'endormy silence, Dessoubs laquelle il fust sans luy caché?
Qui nous feroit admirer la sagesse, Le tant divin et prévoyant esprit Du caut * Ulisse, honoré par la Grèce, S'il n'estoit veu depeinct au mesme escrit?
Pendant qu'Amour d'une flesche dorée De la jeunesse enflammera les cœurs, Des amoureux la plume énamourée Vivra toujours entre cent mille honneurs.
Du vieil Ennie et de Vare sans cesse Le grand renom immortel se dira.
Et les beaux vers de ce hautain Lucrèce Lors périront quand ce tout périra.
Le stile aussi du doux-coulant Ovide, Tout doucement par nombres mesuré, Jamais de gloire et los ne sera vide, Contre le heurt de tout temps asseuré.
De quoy le Loyr, de quoy s'enfle la Loyre Sinon du bruit desbordant en tous lieux De son Ronsard et du Bellay, sa gloire. Pour les porter d'icy là haut aux cieux?
Doncques, pourquoy ne pourray-je bien estre L'honneur du Meine et de Sarte nommé, Pour avoir un des premiers fait cognoistre En ce lieu-là le lue* bien animé?
Que tous les roys et leur gloire estofi"ée Cèdent adonc aux hommes bien disans, Dont les escrits leur haussent un trophée Pour se venger du long oubly des ans.
1. Rusé. V. Ronsard, p. 72. — 2. Luth. V. Baïf, p. 192; du Bellay, p. 38.
64 POÈTES DU XVIe SIÈCLE.