Ni. — 2. Mais

Là comme icy les ventz plus orgueilleux, Soufflant aigu d'un gosier plein d'horreur, N'emplissent l'air de gresle et de fureur, Guidant les nefs aux escueils périlleux.

Là de l'esté les ardentes chaleurs Ne grillent point le jardin esmaillé Et là l'yver n'a jamais despouillé Foretz et champs de fueilles ne de fleurs....

Là nous irons, là nos douces amours Doucettement ensemble conduyrons Et d'un plaisir ensemble jouyrons.

D'un doux plaisir qui durera tousjours.

Donque la mort face hardiment sur moy Ce qu'elle peult, j'aimeray constamment, Et vif et mort en vous tant seulement Vivra mon cœur, ma puissance et ma foy.