D'AMOUR PICQUE D'UNE MOUCHE A MIEL

Amour ne voyoit pas enclose Entre les replis de la rose Une mouche à miel, qui soudain En l'un de ses doigts le vint poindre : Le mignon commence à se plaindre, Voyant enfler sa blanche main.

Aussi tost à Venus la belle.

Fuyant, il vole à tire d'selle :

« Mère, dist-il, c'est fait de moy, C'en est fait, et faut qu'à ceste heure Navré ^ jusques au cœur je. meure, Si secouru ne suis de toy.

» Navré je suis en ceste sorte D'un petit serpenteau, qui porte Deux ailerons dessus le dos :

Aux champs une abeille on l'appelle.

Voyez donc ma playe cruelle.

Las ! il m'a picqué jusqu'à l'os. »

— « Mignon (dist Venus), si la pointe D'une mouche à miel telle atteinte Droit au cœur, comme tu dis, fait.

Combien sont navrez davantage Ceux qui sont espoinds de ta rage, Et qui sont blessez de ton trait? »