LOUISE LABÉ
On voit mourir toute chose animée, Lorsque du corps Tame sutile * part ; Je suis le corps, toy la meilleure part: Où es-tu donc, 6 ame bien aymée?
Ne me laisse pas si long tems pâmée.
Pour me sauver après viendrois trop tard.
Las I ne mets point ton corps en ce hazart :
Rens lui sa part et moitié estimée.
Mais fais, ami, que ne soit dangereuse Cette rencontre et revue amoureuse, L'accompagnant, non de sévérité,
Non de rigueur, mais de grâce amiable, Qui doucement me rende ta beauté, Jadis cruelle, à présent favorable.
Tout aussi tôt que je commence à prendre Dans le mol lit le repos désiré.
Mon triste esprit, hors de moy retiré.
S'en va vers toy incontinent se rendre.
Lors m'est avis que dedens mon sein tendre Je tiens le bien où j'ay tant aspiré.
Et pour lequel j'ay si haut souspiré Que de sanglots ay souvent cuidé * fendre.
dous sommeil, ô nuit à moy heureuse!
Plaisant repos, plein de tranquilité, Continuez toutes les nuits mon songe ;
Et si jamais ma povre ame amoureuse Ne doit avoir de bien en vérité.
Faites au moins qu'elle en ait en mensonge.
1. Subtile* Prononciation du xvie siècle» V. Baïf» p. 083. — 2» Cru»
36 POÈTES DU XVle SIÈCLE.
>^ Oh l si j'eslois en ce beau sein ravie ^De celui là pour lequel vois * mourant ; Si avec lui vivre le demeurant De mes cours jours ne m'empeschoit envie ;
Si, m*acollant, me disoit : « Chère amie, Contentons nous Tun l'autre, » s'asseurant Que jà tempeste, Euripe ne * courant, Ne nous pourra desjoindre en notre vie ;
Si de mes bras le tenant acollé, Comme du lierre est Tarbre encercelé •, La mort venoit, de mon aise envieuse,
Lors que souef * plus il me baiseroit, Et mon esprit sur ses lèvres fuiroit, Bien je mourrois, plus que vivante, heureuse I
Tant que mes yeux pourront larmes espandre A rheur passé avec toy regretter, Et qu'aus sanglots et soupirs résister Pourra ma voix, et un peu faire entendre;
Tant que ma main pourra les cordes tendre Du mignart lut, pour tes grâces chanter ; Tant que Tesprit se voudra contenter De ne vouloir rien fors que toy comprendre ;
Je ne souhaite encore point mourir.
Mais, quand mes yeus je sentiray tarir.
Ma voix cassée, et ma main impuissante.
Et mon esprit en ce mortel séjour Ne pouvant plus montrer signe d'amante, Priray la Mort noircir mon plus cler j0ur.
1. Vais. V. Ronsard, p. 179. — 8. Ni. — 3. Entouré. — 4. Suave. V. Ronsard, p. 40.
LOUISE LÂBÉ. 37
LasI que me sert que si parfaitement Louas jadis et ma tresse dorée, Et de mes yeux la beauté comparée A deux soleils, dont Amour finement
Tira les traits, causes de mon tourment?
Où estes vous, pleurs de peu de durée?
Et mort par qui devoit estre honorée Ta ferme amour et itéré * serment?
Donques c'estoit le but de ta malice De m'asservir sous ombre de service?
Pardonne moy, aussi, à cette fois.
Estant outrée et de despit et d*ire ; Mais je m'assur', quelque part que tu sois, Qu'autant que moy tu soufres de martire.
Ne reprenez, dames, si j*ay aymé.
Si j'ay senti mile torches ardentes.
Mile travaus, mile douleurs mordantes.
Si en pleurant j'ay mon tems consumé,
Las 1 que mon nom n'en soit par vous blâmé.
Si j'ay failli, les peines' sont présentes.
N'aigrissez point leurs pointes violentes, Mais estimez qu'Amour, à point nommé,
Sans votre ardeur d'un Vulcan excuser, Sans la beauté d'Adonis accuser, Pourra, s'il veut, plus vous rendre amoureuses,
En ayant moins que moy d'occasion, Et plus d'estrange et forte passion ; Et gardez vous d'estre plus malheureuses.
