A MADAME DES ROCHES DE POITIERS

Nous nous plaignons de toy, ô déesse Nature, Que la grâce et beauté de ces fleurs si peu dure; Car à peine telz dons à nos yeux as monstrez Que tu les fais déchoir de leurs tiges outrez. Autant qu^est long un jour, «autant est longue Tage Des roses, qu'en un jour on voit sentir Toutrage De la vieillesse prompte, et la rose riant Qu'ores naistre vermeille avoit faict TOrient, Vesprîne revenant la trouve à la vesprée Jà vieille, et n'ayant plus sa perruque empourprée. Mais il y a un bien, c'est que bien que tousjours L'une après l'autre naissent * et meurent en brefs jours, Toutefois succedans ainsi par entresuyte Elles vont allongeant de leur âge la fuyte.

Cueille la rose, ô vierge, en ton bel appareil Quand nouvelle est sa fleur, nouveau son teint pareil. Et te souvienne aussi que ta beauté vermeille Et ton âge qui fuit à la rose est pareille.