COMPLAINTE

Je n*ay membre sur moy, nerf, ny tendon , ny veine Qui ne sente d'Amour l'amoureuse poison *, J'en atteste le ciel, mon ame et ma raison, * Vostre bouche et vos yeux, seurs tesmoins de ma peine.

Mais plus je vous le dis et 'moins vous le croyez; Plus vous rens descouvert le secret de mon ame, Moins il vous apparoist ; plus vous monstre ma flame Et ma playe cruelle, et moins yous la voyez....

Plus j'honore, craintif, la grave majesté De vostre front, maistresse, et l'influence heureuse De vostre esprit gentil, plus m'estes rigoureuse ; Plus m'approche de vous et plus suis rejette.

Je n'ay rien de l'amour que la crainte et la honte : Car vous dites tousjours, en vous mocquant de moy, Non, que je n'aime point, et si je vous aimoy. De vous voir plus souvent que ferois plus de conte....