ORAISON

POUR AVOIR SANTE t

Dieu, vray Dieu, Dieu, Seigneur de nous pauvres humains, \

Dieu qui nous baillas Testre, et nous fis de tes mains. Dieu, Dieu qui es seul Dieu, Dieu de qui la facture C'est la terre et le ciel, c'est toute créature, C'est tout, tout ce qui est, et tout ce qui sera, Lorsqu'il faudra qu'il soit, lors ta main le fera. \

Dieu, qui de tous nos faicts comme il te plaist disposes, |

Dieu, qui d'un seul clin d'oeil peut faire toutes choses, ]

Dieu, sans qui ny le ciel, ny l'homme terrien, f

N'icy * bas, ne là haut, n'ont puissance de rien, j

Dieu que seul Dieu je tien, Dieu en qui seul j'espère. Dieu que je recognoy pour mon seigneur et père, ";

Dieu mon roy. Dieu mon tout, Dieu en qui j'ay ma foy. Dieu en qui je m'atten. Dieu en qui seul je croy. Las ! mon Dieu, si tu vois qu'en toi seul je me fie, Guery-moy, ô Seigneur, de ceste maladie.

S'il est ainsi, mon Dieu, que je n'aye attenté Autre moyen que toy pour r'avoir ma santé, Si je n'ay point forgé dedans ma fantasie Mille dieux abuseurs que feint la poésie, Si d'autre que de toy je n'ay cherché secours, Si seulement à toy j'ay tousjours eu recours, Guery-moy, ô Seigneur, et de ton ciel m'envoye Le jour tant désiré, que sain je me revoye.

Lors, mon Dieu, s'il te plaist me remettre en santé. Le bien que m'auras faict sera par moy chanté ; Lors, ayant dans le cœur empreinte la mémoire Du bien qu'auray receù, j'exalteroy ta gloire. Et partout où j'iray, je diray que c'est toy Qui seul m'as délivré de la peine où j'estoy.