Kt il n*y a pour moi qu'une femme, qui est toi

Lors conviendra dancer d'un-aultre branle :.

Laisser fauldra boys, sources et ruisseault,

Laisser fauldra chasse , chiens et oyseaulx ;

Laisser fauldra d'amour les petitz dons.

Pour suyvre aux champs estandars et guydons.

Et lors chascun ses forces reprendra

Et pour Tamour de s'amye tendra

A recouvrer gloire, honneur et butins.

Faisant congnoistre aux Espaignolz mutins

Que longuement fortune variable

En ung lieu seul ne peult estre amyable.

Tant plus les a fortune autorisez,

Tant moins seront en fin favorisez.

Car la fortune est pour un verre prise,*

Oui tant plus luyt, plustost se casse et brise.

Voyla comment avecques Dieu j'espère Que nous aurons la fortune prospère.

Si* ne sçay plus que t'escrire, ou mander. Fors seulement de te recommander Cil qui vers toy ceste lettre transmect; Et si pour luy ta main blanche ne mect La plume en œuvre, au moins, quoy qu'il adviçnne. Fais que de luy quelcquesfois te souvienne.

S'il t'en souvient, lors que tu trouveras De mes amys, si dure ne seras, A mon advis , que de moy ne t'enquières ; Et qui plus est, que tu ne les requières De t'advertir en quel poinct je me porte. Lors ce seul mot, si on me le rapporte, Allégera la grand douleur des coups,