DE JEHAN SERRK, EXCELLENT JOUEUR DE FARCES

Cy (lessoubz gist et loge en serre Ce tresgentil fallot* Jehan Serre, Qui tout plaisir alloit suivant; Et grand joueur en son vivant , Non pas joueur de dez ne quilles, Mais de belles farces gentilles.

Auquel jeu jamais ne perdit, Mais il gaigna bruit et crédit, Amour et populaire estime, Plus que d'escuz, comme j'estime.

Il fut en son jeu si adextre Qu'à le veoir on le pensoit estre Yvrongne, quand il se y prejioit,^ Ou badin' s'il l'entreprenoit; Et n'eust sceu faire, en sa puissance Le sage; car à sa naissance iNature ne luy feit la trongne Que d'un badin, ou d'un yvrougiie.