AUX VERS QUE LA ROVNE DE NAVARRE AVOIT FAICTZ

EN FAVEUR d'UNE DAMOYSELLE.^

Ce seroit trop que la belle esmouvoir, Le povre amant n*y a pensé, ne pense.

Parler à elle et la seiTÎr et veoir Luy sont assez d'heureuse récompense , Et confessant, noble fleur d'excellence, Qu elle Ta bien mis à mort voyrement.

Mais son amour et son feu véhément, Chasteté d'œil ne les pourroit estaindre ; Car tant plus vit la dame chastement ' De tant plus croist le désir d'y attaindre.