Soirée, réunion du soir

DU PARTEMENT d'ANNE.

Où allez-vous, Anne? que je le sache, Et m'enseignez, avant que de partir.

Comme feray, affîn que mon œil cache Le dur regret du cucur triste et martir. Je soay comment, point ne fault m'advertir : Vous le prendrez ce cueur, je le vous livre. L'emporterez pour le rendre délivre* Du dueil qu'auroit loing de vous en ce lieu; Et pour aultant qu'on ne peult sans cueur vivre. Me laisserez le vostre. Et puis adieu.

V AN Ni:.

Incontinent que je te vey venue, Tu nie somblas le cler soleil des cieulx Qui sa lumière a long temps retenue , Puis se faict veoir luysant et gracieux. Mais ton départ me semble une grand nue Qui se vient mettre au devant de mes yeulx. Pas n'eusse creu que de joye advenue Fust advenu regret si ennuiyeux.