Loup-cervier

Que devant luy ne vont fuyant les Muses, Quand il voyrra que de faveur tu m'uses.

Lor9 ma musette à ung chesne pendue Par moy sera promptement descendue, Et chanteray l'y ver à seureté Plus hault et clair que ne feiz oncq l'esté.

Lors en science, en musique et en son Ung de mes vers vauldra une chanson , Une chanson,* une églogue rustique, Et une églogue , une œuvre bucolique.

Que diray plus? vienne ce qui pourra.

Plus tost le Rosne en contremont* courra. Plus tost seront haultes forestz sans branches, Les cygnes noirs, et les corneilles blanches. Que je t'oublie , ô Pan de grand renom , Ne que je cesse à louer ton hault nom.

Sus, mes brebis, trouppeau petit et maigre, Autour de moy saultez de cueur allaigre , Car desjà Pan, de sa verte maison.

M'a faict ce bien d'ouyr mon oraison.