Les salles de plaidoiries du Chàtelet

Tout plein de gens, de bniict et de tumulte: Parquoy avec ma guyde je consulte , En luy disant :

« Dy moy, s'il t'en souvient, D'où, et de qui, et pourquoy ce bruict vient. » Si* me respond :

« Sans croyre le rebours,* Sçache qu'icy sont d* enfer les faulxbourgs. Où bien souvent s'eslève ceste feste Laquelle sort, plus rude que tempeste. De l'estomach de ces gens que tu vois , Qui sans cesser se rompent teste et voix Pour appoincter' faulx et chétifz humains , Qui ont débatz, et débatz ont heu maintz.

Hault devant eulx le grand Minos * se sied , Qui sur leurs dicts ses sentences assied. C'est luy qui juge, ou condamne, ou deffend. Ou taire faict, quand la teste luy fend.

Là les plus grands, les plus petis destruisent; Là les petiz peu ou point aux grands nuisent. Là trouve l'on façon de prolonger Ce qui se doibt et se peult abréger; Là sans argent paouvreté n'a raison ; Là se destruict mainte bonne maison.

Là biens sans cause en causes se despendent : Là les causeurs* les causes s'entrevendent.

i. Alors.