Révoltés

38Î ŒUVhES Dfe CLÉMENT MAROT.

Mais cestuy-là, qui les haultz cieulx habite, Ne s'en fera que rire de là hault.

Le Tout puissant de leur façon despite * Se mocquera, car d'eiilx il ne luy chault.*

Lors , s'il luy plaist , parler à euh viendra En son courroux plus qu'autre espoventable. Et tous ensemble estonnez les rendra En sa fureur terrible et redoutable.

« Roy s, dira-il, d'où vient ceste entreprise? De moh vray rôy j'ay faict élection, Je l'ay sacré, sa couronne il a prise Sur mon tressainct et hault mont de Sion. »

Et je, qui suis le roy qui luy ay pieu, Racompteray sa sentence donnée :

C'est qu'il m'a dict : « Tu es mon filz esleu, Engendré t'ay ceste heureuse journée.

Demande-moy, et pour ton héritage Subjectz à toy tous peuples je rendray; Et ton empire aura cest advantage Que jusqu'aux bordz' du monde l'estendray.

Verge de fer en ta main porteras, Pour les dompter et les tenir en serre; Et s'il te plaist menu les briseras.

Aussi aisé comme un vaisseau de terre. »