Cette présente satire

Desjà vous prend icelle maladie.

Vous voulez faire, et ne voulez qu'on die ! * Cessez, cessez toutes occasions, Si prendront fin toutes dérisions:

C'est le droict point pour clorre les passages Aux mal disans. Et vous aultres bien sages. Qui des Adieux ne fustes point touchées, Et vous aussi que l'on y à couchées Et qui pourtant compte n'en feistes mye. Nulle de vous ne me soit enneniye.

Je vous supply, pour telles bourgeoisettes Qui vont cherchant des noises pour noisettes!

On voit assez que vous estes entières, * De n'avoir prins à cueur telles matières. Aussi n'est-il blason, tant soit infâme, Qui sceust changer le bruyt d'honneste femme; Et n'est blason, tant soit plein de louange. Qui le renom de folle femme change.

On a beau dire : une colombe est noire, Ung corbeau blanc; pour l'avoir dit,' fault croire Que la colombe en rien ne noircira.

Et le corbeau de rien ne blanchira.

Certainement les vertuz qui s'espendent Dessus voz cueurs, si fort vostre me rendent Que pour l'amour de vous n'eusse jamais Contre elles faict ceste présente; mais Tant m'ont pressé d'escrire et me contraignent Qu'il semble au vray que plaisir elles preignent En mes propos; et ont bien ce crédict