Bavardage

Et (les neuf cieulx, où sont toutes liesses.

Sur ces neuf cieulx, je vous eusse eslevée,

Et eusse faict une grande levée

De réthorique et non de bouclier.

Puis eusse dict comment on oyt crier

Au fons d'enfer, plein de peines et pleurs,

Geulx qui au jeu furent jadis trompeurs.

Donnez-vous garde. Or brief, sans m'eschauffer,

J'eusse descript tout le logis d'enfer.

Là où iront, si brief ne se réduisent,

Les vrays trompeurs, qui ce monde séduisent.

Puis qu'on m'a donc l'esprit mis en mal ayse,

Excusez-moy si l'épistre est maulvaise.

Vous asseurant, si l'eussiez bien gaignée,

Qu'elle eust esté, pour vray, bien besongnée:

Mais tout ainsi que vous avez gaigné.

Par mon serment, ainsi j'ay besongné.

Non qu'à regret ainsi faicte je l'aye.

Ne qu'à regret aussi je vous la paye;

Tous mes regretz, toutes mes grans douleurs

Viennent, sans plus, de ce que les couleurs

N'ay sceu gaigner d'une tant belle dame,

A qui Dieu doint repos de corps et d'âme.