La Chananéenne

ÉPITRKS*. 63

En disant qu'il est grand anaée D'amoureuses et d'amoureux, De dolens et de langoreux, Qui meurent le jour quinze foys.

Sabmedy prochain toutesfoys On doibt lire la loy civile ; Et tant de veaulx qui vont par ville Seront bruslez sans faulte nulle; Car ilz ont chevaulché la muUe Et la chevaulchent tous les jours.

Tel faict à Paris longs séjours, Qui vouldroit estre en autrfe lieu, Laquelle chose, de par Dieu, Amours finissent par cousteaux ; Et troys dames des Blancs Manteaux S'abillent toutes d'une sorte.

Il n'est pas possible qu'on sorte De ces cloistres aulcunement.

Sans y entrer premièrement.

C'est ung argument de sophiste ; Et qu'ainsi soit, ung bon papiste Ne dit jamais bien de Luther, Car s ilz venoient à disputer, L'ung des deux seroit hérétique.

Oultre plus, une femme étique Ne sçauroit estre bonne bague; D'advantage, qui ne se brague* N'est point prisé au temps présent ; Et qui plus est, un bon présent Sert en amours plus que babilz.