DE S'AMYE BIEN BELLE

Amour me voyant sans tristesse Et de le servir desgouté.

M'a dict que feisse une maistrcsse, Et qu'il sei'oit de mon costé.

Après l'avoir bien escouté, J'en ay faict une à ma plaisance, Et ne me suis point mesconté :

C'est bien la plus belle de France.

Elle a un œil riant, qui blesse Mon cueur tout plein de loyaulté, Et parmy sa haulte noblesse Mesle une douce privaulté.

Grand mal seroit si cruatilté Faisoit en elle demourance ; Car, quant à parler de beauté, C'est bien la plus belle de France.

De fuyr s'amour qui m'oppresse Je n'ay pouvoir ne voulenté, Arresté suis en ceste presse Comme l'arbre en terre planté.

S'esbahyt on si j'ay planté De peine, tourment et souffrance ?

Pour moins on est bien tourmenté C'est bien la plus belle de France.

ENVOY

Prince d'amours, par ta bonté Si d'elle j'avois jouyssance, One homme ne fut mieulx monté :

C'est bien la plus belle de France.

i^ BALLADES