D'ALLIANCE DE PENSÉE

Un mardy gras, que tristesse est chassée, M'advint par heur d'amytié pourchassée Une pensée excellente et loyale ; Quand je dirois digne d'estre royale, Par moy scroit à bon droict exaulcée;

Car de rithmer ma plume dispensée (Sans me louer) pcult louer la pensée, Qui me survint dansant en une sale Un mardy gras.

C'est celle qu'ay d'alliance pressée Par ces attraicts ; laquelle à voix baissée M'a dit : « Je suis ta pensée féale, Et toy la mienne, à mon gré, cordiale. » Nostre alliance ainsi fut commencée Un mardy gras.