DE MADAME LA DUCHESSE D'ALENÇON

Ma Maîtresse est de si haulte valeur,

Qu'elle a le corps droict, beau, chaste et pudique ,

Son cueur constant n'est pour heur ou malheur

Jamais trop gay ne trop mélancolique.

Elle a au chef un esprit angelique,

Le plyis subtil qui onc aux cieulx vola.

O grand merveille ! on peult veoir par cela

Que je suis serf d'un monstre fort estrange :

Monstre je dy, car pour tout vray elle a

Corps femenin, cueur d'homme et teste d'ange.