COMMENT GASTER INVENTA LES MOYENS D'AVOIR ET CONSERVER GRAIN
Ces diables Gastrolatres retirez, Pantagruel fut attentif à l'estude de Gaster, le noble maistre des ars. Vous sçavez que par institution de nature. Pain avecques ses apennaiges luy a esté pour provision adjugé et aliment, adjoincte ceste bene-
PANTAGRUEL iSl
diction du ciel que pour pain trouver et guarder rien ne luy defauldroit. Des le commencement il inventa l'art fabrile, et agriculture pour cultiver la terre, tendant à fin qu'elle luy produisist Grain. Il inventa l'art militaire et armes pour Grain défendre; Medicine et Astrologie, avec les Mathematicques nécessaires, pour Grain en saulveté par plusieurs siècles guarder et mectre hors les calamités de l'air, deguast des bestes brutes, larrecin des briguands. Il inventa les moulins à eau, à vent, à bras, à aultres mille engins, pour Grain mouldre et réduire en farine; le levain pour fermenter la paste; le sel pour luy donner saveur (car il eust cestte congnoissance que chose au monde plus les humains ne rendoit à maladies subjectz que de pain non fermenté, non salé user), le feu pour le cuire, les horologes et quadrans pour entendre le temps de la cuycte de pain, créature de Grain.
Est advenu que Grain en un pays defailloit, il inventa art et moyen de le tirer d'une contrée en aultre. Il, par invention grande, mesla deux espèces, de animans, Asnes et Jumens, pour production d'une tierce, laquelle nous appelions muletz, bestes plus puissantes, moins délicates, plus durables au labeur que les aultres. Il inventa chariotz et charrettes pour plus commodément le tirer. Si la mer ou rivières ont empesché la traicte, il inventa basteaulx, gualeres et navires (chose de laquelle se sont les elemens esbabiz) pour, oultre mer, oultre fleuves et rivières, naviguer et de nations barbares, incongneues, et loing séparées. Grain porter et transporter.
Est advenu depuys certaines années que, la terre cultivant, il n'a eu pluye à propous et en saison, par default de laquele Grain restoit en terre mort et perdu. Certaines années la pluye a esté excessive, et nayoit le Grain, Certaines aultres années la gresle le guastoit, les vents l'esgrenoient, la tempeste le renversoit. Il ja, davant nostre venue, avoit inventé art et moyen de évoquer la pluye des Cieulx ; seulement une herbe decouppant, commune par les praeries, mais à peu de
lS2 LIVRE IV, CHAPITRE LXI
gens congneue, laquelle il nous monstra. Et estimoys que feust celle de laquelle une seule branche, jadis, mectant le pontife Jovial dedans la fontaine Agrie sus le mont Lycien en Arcadie, au temps de seicheresse, excitoit les vapeurs : des vapeurs estoient formées grosses nuées, les quelles dissolues en pluye, toute la région estoit à plaisir anousée. Inventoit art et moyen de suspendre et arrester la pluye en l'air, et sus mer la faire tomber. Inventoit art et moyen d'anéantir la gresle, supprimer les vents, destourner la tempeste, en la manière usitée entre les Methanensiens de Trezenie.
Aultre infortune est advenu. Les pillars et briguans desroboient Grain et Pain par les champs. Il inventa art de bastir villes, forteresses et chasteaulx pour le reserrer et en sceureté conserver. Est advenu que par les champs ne trouvant Pain, entendit qu'il estoit dedans les \-illes, forteresses et chasteaulx reserré, et plus curieusement par les habitans défendu et guardé que ne feurent les pommes d'or des Hesperides par les dracons. Il inventa art et moyen de battre et desmoUr forteresses et chasteaulx par machines et tormens bellicques, béliers, balistes, catapultes, des quelles il nous monstra la figure, assez mal entendue des ingénieux architectes, disciples de Victruve, comme nous a confessé Messere Philebert de l'Orme, grand architecte du roy ^légiste. Les quelles, quand plus n'ont proficté, obstant la maUgne subtihté et subtile malignité des fortificateurs, il avoit inventé recentement Canons, Serpentines, Coulevrines, Bombardes, Basilics, jectans boullets de fer, de plomb, de bronze, pezans plus que grosses enclumes, moyennant une composition de pouldre liorrificque, de laquelle Nature mesmes s'est esbahie, et s'est confessée vaincue par art, ayant eu mespris l'usaige des Oxydraces, qui, à force de fouldres, tonnoires, gresles, esclairs, tempestes. vaincoient et à mort soubdaine mettoient leurs ennemis en plain champ de bataille. Car plus est horrible, plus espouvantable, plus diabolique, et plus de gens meurtrist.
casse, rompt et tue; plus estonne les sens des humains; plus de murailles demolist un coup de Basilic, que ne feroient cent coups de fouldre.
