COMMENT LE TEMPLE ESTOIT ESCLAIRÉ PAR VNE LAMPE ADMIRABLE
Avant qu'entrer en l'exposition de la Bouteille, je vous descriray la figure admirable d'une Lampe, moyennant laquelle estoit eslargie lumière par tout le temple, tant copieuse qu'encores qu'il fust subterrain on y voyoit comme en plein midy nous voyons le Soleil cler et serain luysant sus terre. Au miUeu de la voulte estoit un anneau d'or massif attaché, de la grosseur de plein poing, auquel pendoient, de grosseur peu moindre, trois chesnes bien artificiellement faites, lesquelles de deux pieds et demy en l'air comprenoient en figure triangle une lame de fin or, ronde, de telle grandeur que le diamètre excedoit deux coudées et demye palme. En icelle estoient quatre boucles ou pertuys, en chascune desquelles estoit fixement retenue une boule vuyde, cavée par le dedans, ouverte du dessus, comme une petite Lampe, ayant
en circonférence environ deux palmes, et estoient toutes de pierres bien précieuses : l'une d'Améthyste, l'autre de Carboucle Lybien, la tierce d'Opalle, la quarte d'Anthracithe. Chascune estoit pleine d'eau ardente cinq fois distillée par Alambic serpentm, incomsomptible comme l'huille que jadis mist Callimachus en la lampe d'or de Pallas en l'Acropolis d'Athènes, avec un ardent lychnion faict, part de lin Asbestin (comme estoit jadis au temple de Jvipiter en Ammonie, et le veit Cleombrotus philosophe tresstudieux) , part de lin Carpasien, lesquels par feu plustost sont renouveliez que consommez.
Au dessouz d'icelle lampe, environ deux pieds et demy, les trois chesnes en leurs figures premières estoient embouclées en trois anses, lesquelles issoient d'une grande lampe ronde de Cristalin trespur, ayant en diamètre une coudée et demye, laquelle au dessus estoit ouverte environ deux palmes : par ceste ouverture estoit au milieu posé un vaisseau de Cristalin pareil, en forme de coucourde, ou comme un urinai, et descendoit jusques au fond de la grande lampe, avec telle quantité de la susdicte eau ardente que la flamme du lin Asbestin estoit droictement au centre de la grande lampe. Par ce moyen sembloit donc tout le corps spherique d'icelle ardre et enflamboyer, parce que le feu estoit au centre et poinct moyen.
Et estoit difficile d'y asseoir ferme et constant regard, comme on ne peut au corps du Soleil, obstant la matière de si merveilleuse perspicuité, et l'ouvrage tant diaphane et subtil, par la reflexion des diverses couleurs (qui sont naturelles es pierres précieuses) des quatre petites lampes supérieures à la grande inférieure, et d'icelles quatre estoit la resplandeur en tous points inconstante et vacillante par le temple. Venant davantage icelle vague lumière toucher sur la poUissure du marbre, duquel estoit incrusté tout le dedans du temple, apparoissoient telles couleurs que voyons en l'arc céleste, quand le clair Soleil touche les nues pluvieuses.
330 LIVRE V, CHAPITRE XLIl
L'invention cstoit admirable, mais encores plus admirable, ce me sembloit, que le sculpteur avoit, autour de la corpulence d'icelle lampe ciistaline, engravée, à ouvrage cataglyphc, une prompte et gaillarde bataille de petits enfants nuds, montez sus des petits chevaux de bois, avec lances de virolets, et pavois faits subtilement de grappes de raisins, entrelassez de pampre, avec gestes et efforts puériles tant ingénieusement par art expiimez que nature mieux ne le pourroit. Et ne sembloient engravez dedans la matière, mais en bosse, ou pour le moins en crotesque apaproissoient enlevez totalement, moyennant la diverse et plaisante lumière, laquelle dedans contenue ressortissoit par la scuplture.
