LIVRE IV, CHAPITRE V
du chapitre gênerai des Lanternes : et que, si lors y arrivions (comme facile nous estoit), voyrions belle, honorable et joyeuse compaignie des Lanternes : et que l'on y faisoit grands apprestz, comme si l'on y deust pro fondement lanterner. Nous feut aussi dict que, passans le grand royaulme de Gebarim, nous serions honorifiquement repceuz et traictez par le Roy Ohabé, dominateur d'icelle terre. Lequel et tous ses subjectz pareillement parlent languaige François Tourangeau.
Ce pendent que nous entendions ces nouvelles, Panurge prend débat avecques un marchant de Taillebourg, nommé Dindenault. L'occasion du débat feut telle : Ce Dindenault, voyant Panurge sans braguette, avecques ses lunettes attachées au bonnet, dist de luy à ses compai gnons : « Voyez là une belle médaille de Coqu. » Panurge, à cause de ses lunettes, oyoit des aureilles beaucoup plus clair que de coustume, Doncques, entendant ce propoas, demanda au marchan : « Comment diable seroys je coqu, qui ne suis encores marié, comme tu es, scelon que juger je peuz à ta troigne mal gracieuse ?
— Oui vrayement, respondit le marchant, je le suys : et ne vouldrois ne l'estre pour toutes les lunettes d'Europe, non pour toutes les bezicles d'Afrique. Car j'ay une des plus belles, plus advenentes, plus honestes, plus prudes femmes en mariage, qui soit en tout le pays de Xantonge; et n'en desplaise aux aultres. Je luy porte de mon voyage une belle et de unze poulsees longue branche de Coural rouge, pour ses estrenes. Qu'en as tu à faire ? Dequoy te mesles tu ? Qui es tu ? Dont es tu ? O Lunetier de l' Antichrist, responds si tu es de Dieu.
— Je te demande, dist Panurge, si, par consentement et convenence de tous les elemens, j'avoys sacsacbezevezinemassé ta tant belle, tant advcnente, tant honeste, tant preude femme, de mode que le roydde Dieu des jardins Pria-
pus, lequel icy habite en liberté, subjection forclusc de braguettes attachées, luy feust on corps demeuré, en tel desastre que jamais n'en sortiroit, éternellement y resteroit, sinon que tu le tirasses avec les dens, que feroys tu? Le laisscroys tu là simpitemellement ? ou bien le tireroys tu à belles dents? Responds, o bclinier de Mahumet, puys que tu es de tous les diables. — Je te donneroys, respondit le marchant, un coup d'espée sus ceste aureille lunetiere, et te tueroys comme un bélier. « Ce disant desguainoit son espée. Mais elle tenoit au fourreau, comme vous sçavez que, sus mer, tous hamoys facilement chargent rouille, à cause de l'humidité excessive et nitreuse. Panurge recourt vert Pantagruel à secours. Frère Jan mist la main à son bragmard fraischementesmoulu, et eust felonnement occis le marchant, ne feust que le patron de la nauf, et aultres passagiers supplièrent Pantagruel n'estre faict scandale en son vaisseau. Dont feut appoincté tout leur différent : et touchèrent les mains ensemble Panurge et le marchant, et beurent d'autant l'un à l'autre dehayt, en signe de perfaicte reconciliation.
