CARDINAL DE CHASTILLON

Vous estes deuement adverty, Prince très illustre, de quants grands personaiges j'ay esté, et suis journellement stipulé, requis et importuné pour la continuation des mythologies PantagrueUcques : alleguans que plusieurs gens languoureux, malades, ou autrement faschez et désolez, avoient, à la lecture d'icelles, trompe leurs ennuictz, temps joyeusement passé, et repceu alaigresse et consolation nouvelle. Es quelz je suis coustumier de respondre que, icelles par esbat composant, ne pretendois gloire ne louange aulcune; seulement avois esguard et intention par escript donner ce peu de soulaigement que povois es affligez et malades absens : lequel voluntiers, quand besoing est, je fais es presens qui soy aident de mon art et service.