LIVRE IV, CHAPITRE XII
maison, journellement abourdent gens de toutes pars. — Je y ay donné ordre, rcspondit Basché. Quand à la porte de céans viendra quelque home, ou à pied, ou assez mal monté, ayant un anneau d'argent gros et large on poulce, il sera Chiquanous. Le portier l'ayant introduict courtoisement, sonnera la campanelle. Alors soyez pretz, et venez en salle jouer la Tragicque comédie que vous ay expousé. »
« Ce propre jour, comme Dieu le voulut, arriva un vieil, gros et rouge Chiquanous. Sonnant à la porte, feut par le portier recongnu à ses gros et gras houzeaulx, à sa meschante jument, à un sac de toille plein d'informations, attaché à sa ceincture, signamment au gros anneau d'argent qu'il avoit on poulce guausche. Le portier luy feut comrtoys, le introduict honnestement, joyeusement, sonne la campanelle. Au son d'icelle, Loyre et sa femme se vestirent de leurs beaulxhabillemens, comparurent en la salle, faisans bonne morgue. Oudart se revestit de suppellis et d'estoUe : sortant de son office rencontre Chiquanous, le mené boyre en son of&ce longuement, ce pendent qu'on chaussoit ganteletz de tous coustez, et luy dist : « Vous ne poviez à heure venir plus opportune. Xostre maistre est en ses bonnes : nous ferons tantouts bonne chère, tout ira par escuelles : nous sommes céans de nopces : tenez, beuvez, soyez joyeulx. »
« Pendent que Chiquanous beuvoit, Basché, voyant en la salle ses gens en equippage requis, mande quérir Oudart. Oudart vient portant l'eaue beniste. Chiquanous le suyt. Il, entrant en la salle, n'oubha faire nombre de hvunbles révérences, cita Basché, Basché luy feist la plus grande caresse du monde, luy donna un Angelot, le priant assister au contract et fiansailles. Ce que feut faict. Sus la fin coups de poing commencèrent sortir en place. Mais, quand ce vint au tour de Chiquanous, ilz le festoyèrent à grands coups de guanteletz, si bien qu'il resta tout estourdy et meurtry, un œil poché au beurre noir, huict costes freussées, le bréchet enfondré, les
omoplates en quatre quartiers, la maschouere inférieure en trois loppins, et le tout en riant. Dieu sçait comment Oudart y opcroit, couvrant de la manche de son suppellis le gios guantelet asseré, fourré d'hermines, car il estoit puissant ribault. Ainsi retourne à l'isle Bouchard Chiquanous, accoustré à la Tigresque : bien toutesfois satisfaict et content du seigneur de Basché, et moyennant le secours des bons chirurgiens du pays vesquit tant que vouldrez. Depuis n'en fut parlé. La mémoire en expira avecqucs le son des cloches les quelles quarillonnerent à son enterrement. »
