COMMENT PAR PANTAGRUEL FUT DEFAICT LE MONSTRUEUX PHYSETERE
Le Physetere, entrant dedans les brayes et angles des naufz et guallions, jectoit eau sus les premiers à pleins tonneaulx, comme si feussent les Catadupes du Nil en ^Ethiopie. Dards, dardelles, javelotz, espieux, corsecques, partuisanes, voloient sus luy de tous coustez. Frère Jan ne se y espargnoit. Panurge mouroit de paour. L'artillerie tonnoit et iouldroyoit en Diable, et faisoit son debvoir de le pinser sans rire., Mais peuprofitoit, car les gros boulletz de fer et de bronze entrans en sa peau sembloient fondre à les veoir de loing, comme font les tuilles au Soleil. AUors Pantagruel, considérant l'occasion et nécessité, desploye ses braz et monstre ce qu'il sçavoit faire. Vous dictes, et est escript, que le truant Commodus, empereur de Rome, tant dextrement tiroit de l'arc que de bien loing il passoit les flèches entre les doigts des jeunes enfans levans la main en l'air, sans aulcunement les ferir. Vous nous racontez aussi d'un archier Indian, on temps que Alexandre le Grand conquesta Indie, lequel tant estoit de traire périt, que de loing il passoit ses flèches par dedans ml anneau, quoy qu'elles feussent longues de troys coubtées et feust le fer d'icelles tant grand et poisant, qu'il en persoit brancs d'acier, boucliers espoys, plastrons asserez, tout généralement qu'il touchoit, tant ferme, résistant, dur et valide feust, que sçauriez dire. Vous nous dictez aussi merveilles de l'industrie des anciens François, les quelz à tous estoient en l'art sagittaire
préférez, et les quelz en chasse de bestes noires et rousses frotoient le fer de leurs flèches avecques Ellébore, pource que de la venaison ainsi férue la chair plus tendre, friande, salubre et deUcieuse estoit : cernant toutesfoys et oustant la partie ainsi attaincte tout autour. Vous faictes pareillement narré des Parthes, qui par darriere tiroient plus ingénieusement que ne faisoient les aultres nations en face. Aussi célébrez vous les Scythes en ceste dextérité, de la part des quelz jadis un ambassadeur envoyé à Darius, Roy des Perses, luy offrit un oyseau, une grenouille, une souriz, et cinq flèches, sans mot dire. Interrogé que pretendoient telz presens, et s'il avoit charge de rien dire, respondit que non. Dont restoit Darius tout estonné et hebeté en son entendement, ne fust que l'un des sept capitaines qui avoient occis les INIages, nommé Gobryes, luy exposa et interpréta, disant : « Par ces dons et ofti-andes vous disent tacitement les Scythes : Si les Perses comme oyseaulx ne volent au ciel, ou comme souriz ne se cachent vers le centre de la terre, ou ne se mussent on profond des estangs et paluz comme grenoilles, tous seront à perdition mis par la puissance et sagettes des Scythes. » Le noble Pantagruel en l'art de jecter et darder estoit sans comparaison plus admirale. Car avecques ses horribles piles et dards (les quelz proprement ressembloient aux grosses poultres sus les quelles sont les portts de Xantes, Saulmur, Bergerac, et à Paris les ponts au Change et aux 3tleusnier soustenuz, en longueur, grosseur, poisanteur et ferrure) de mil pas loing il ouvroit les huytres en escalle sans toucher les bords; il esmouchoit une bougie sans l'extaindre, frappoit les Pies par l'œil, dessemeloit les bottes sans les endommaiger, deffourroit les barbutes sans rien guaster ; tournoit les feuilletz du bréviaire de frère Jan l'un après l'aultre sans rien dessirer. Avecques telz dards, des quelz estoit grande munition dedans sa nauf, au premier coup il enferra le Physetere sus le front, de mode qu'il luy transperça les deux machouoires
Il6 LIVRE IV, CHAPITRE XXXV
et la langue, si que plus ne ouvrit la gueule, plus ne puysaplus ne jecta eau. Au second coup il luy creva l'œil droict; au troyzieme, l'œil guausche. Et feut veu le Physetere en grande jubilation de tous porter ces troys cornes au front quelque peu penchantes davant, en figure triangulaire equUaterale, et tournoyer d'un cousté et d'aultre, chancellant et fourvoyant comme estourdy, aveigle et prochain de mort. De ce non content, Pantagruel luy en darda un aultre sus la queue, panchant pareillement en arrière. Puys troys aultres sus l'eschine en ligne perpendiculaire, par equale distance de queue et bac troys foys justement compartie. Enfin luy en lança sus les flancs cinquante d'un cousté et cinquante de l'aultre. De manière que le corps du Physetere sembloit à la quille d'un gualUon à troys gabies, emmortaisée par compétente dimension de ses poultres, comme si feussent cosses et portehausbancs de la canne. Et estoit chose moult plaisante à veoir. Adoncques mourant, le Physetere se renversa ventre sus dours, comme font tous poissons mors : et ainsi renversé, les poultres contre bas en mer, ressembloit au Scolopendre, serpent ayant cent pieds comme le descript le saige ancien Nicander,
