LIVRE IV, CHAPITRE XLVIII
Adoncques s'agenouillèrent devant nous, et nous vouloient baiser les pieds. Ce que ne leurs voulusmes permettre, leur remontrans que au Pape, si là de fortune en propre personne venoit, ilz ne sçauroient faire d'adventaige. « Si ferions, si respondirent ilz. Cela est entre nous ja résolu. Nous luy baiserions le cul sans feuille, et les couilles pareillement. Car il a couilles le père sainct, nous le trouvons par nos belles Decretales, aultrement ne seroit il Pape. De sorte qu'en subtile philosophie Decretaline ceste conséquence est nécessaire : Il est Pape, il a doncques couilles. Et quand couilles fauldroient au monde, le monde plus Pape n'auroit. »
Pantagruel demandoit ce pendent à un mousse de leur' esquif qui estoient ces personnaiges. Il luy feist response que c'estoient les quatre estatz de l'isle : adjousta d'adventaige que serions bien recueilliz et bien traictez, puys qu'avions veu le Pape. Ce que il remonstra à Panurge, lequel luy dist secrètement. « Je foys veu à Dieu, c'est cela. Tout vient à poinct qui peult attendi-e. A la veue du Pape jamais n'avions proficté : à ceste heure de par tous les Diables nous profitera comme je voy. » AUors descendismes en terre, et venoit au davant de nous comme en procession tout le peuple du pays, homes, femmes, petitz enfantz. Nos quatre estatz leurs dirent à haulte voix : « Hz le ont veu. Hz le ont veu. Hz le ont veu. »
A ceste proclamation tout le peuple se agenouilloit davant nous, levans les mains joinctes au ciel, et cryans : « O gens heureux ! O bien heureux ! » Et dura ce cr\'s plus d'un quart d'heure. Puys y accourut le maistre d'eschoUe avecques tous ses pédagogues, grimaulx et escholiers, et les fouettoit magistralement, comme on souloit fouetter les petitz enfans en nos pays, quand on pendoit quelque malfaicteur, afi&n qu'il leurs en soubvint. Pantagruel en feut fasché, et leurs dist : « Messieurs, si ne désistez fouetter ces enfans, je m'en retourne. » Le peuple s'estonna, entendent sa voix Stentoree, et veiz un petit bossu à longs doigtz demandant au maistre d'es-
choie : « Vertus de Exti^avagantes, ceiilx qui voyent le Pape deviennent ilz ainsi grands comme cestuy cy qui nous menasse? O qu'il me tarde merveilleusement que je ne le voy, afi&n de croistre et grand comme luy devenir. » Tant grandes feurent leurs exclamations que Homenas y accourut (ainsi appellent ilz leurs Evesque) sus une mule desbridée, caparassonnée de verd, accompaigné de ses appous (comme ilz disoient), de ses suppos aussi, portans croix, banieres, confalons, baldachins, torches, benoistiers. Et nous vouloit pareillement les pieds baiser à toutes forces (comme feist au pape Clément le bon Christian Valfinier) disant qu'un de leurs hypophetes desgresseur et glossateur de leurs sainctes Decretales avoit par escript laissé que ainsi comme le Messyas, tant et si long temps des Juifz attendu, en fin leurs estoit advenu, aussi en icelle isle quelque jour le pape viendroit. Attendens ceste heureuse journée, si là arrivoit personne qui l'eust veu à Rome ou aultre part, qu'ilz eussent à bien le festoyer, et reverentement traicter. Toutesf oys nous en excusasmes honestement.
