D'UN CHASSEUR

Pan, des forests habitant l'espaisseur,

Pan, pied de bouc, Robinet ton chasseur

Accoustumé jadis de faire teste

A la fureur de mainte fiere beste,

Et par lequel à cestuy pin sacré

Tu vois encor, s'ils te viennent à gré,

Les pieds des ours, et les hures fendues Des vieux sangliers, pour offrande pendues Ores vieillard, et d'âge tout voulté De ce grand cerf, que luy mesme a domté, Le bois encor' il te sacre et ordonne, Digne présent d'une vieille personne, Bien que tel œuvre ait jadis eu l'honneur D'estre avoué par le Thebain veneur.

Reçoy le donq pour œuvre de jeunesse, Et ne le crov de moindre hardiesse.