CHAPITRE LVI

DES SIGNES DES VLCEUES AVX BEINS >.

Combien que le n'eusse délibéré de poursuiure spécialement les causes d'vrine sanglante : toutesfois parce que celle qui dépend des vlceres des reins et de la vessie tombe fort sonnent en pratique, il m'a semblé bon d'en dire un mot en passant.

Les signes des vlceres des reins sont douleur aux lombes : d'auantage, la sanie qui sort de leur substance est meslée auec l'vrine, et trouueon les sedimens sanieux et rouges :

et iamais ne sort qu' auec ladite vrine, et tousiours réside au fond dicelle.

D'auantage, des vlceres des reins sortent quelquesfois de petites pellicules, et portions de chair et fiiamens rougeastres. Outre-plus, n'est de si mauuaisc odeur comme celle qui vient de l'vlcere de la vessie, d'autant qu'elle est de substance nerueuse, à cause de quoy la matière ne peut estre si bien suppurée comme es reins, qui sont charneux.