CHAPITRE XCIV

DE la: belaxatiom et enflevre dv

NOMBRIL, QVI SE FAM AVX ENFAISS.

Quelquesfois aduient aussi aux enfans nouuellement nés , que leur nombril est tumeflé de grosseur d'vn œuf, qui procède pour auoir esté mal coupé et lié , ou pour quelques humeurs et aquosilés qui y sont amassées , ou de trop crier pour les tranchées : quelquesfois aussi apportent ceste tumeur du ventre de la mère , accompagnée d'vne aposteme, à laquelle ie conseille au ieune chi-

1 Ici s'arrêtait le chapitre en 1573 et 1575, le reste a été ajouté en 1579.

DE LA GENERATION. 796

rurgien n'y toucher pour y faire ouuerture : car estant faite, les intestins sortent.

Ce que i'ay veu aduenir plusieurs fois , et mesmemennt à l'enfant de défunt M. de Marligues, lequel auoit espousé madame de Laual, qui estoit de la maison de Lautrec : dont le chirur-

gien, nommé maistre Pierre de la Roque , fut en grand danger de sa personne : et n'eust esté monsieur d'Estampes et mondit sieur de Martigues, les seruiteurs luy eussent coupé la gorge, estimans que la mort estoit suruenue à Tenfant par la faute dudit chirurgien.

Et encores depuis n'agueres , telle chose est aduenue à l'enfant de lean de Gourmont , tailleur d'histoires ' , demeurant à l'Arbre sec , rue Sainct lean de Latran , en l'Vniuersité de Paris, lequel m'enuoya quérir pour faire ouuerture audit ombilic : ce que ie refusay, et lui dis qu'il mourroit bien sans moi. Trois iours après r aposteme se creua d'elle mesme , et les intestins sortirent, dont il mourut.