CHAPITRE XXV

nv SERPENT NOMMÉ POVRRISSEVR.

Le Pourrisseur a esté ainsi nommé, pour autant que la partie de ceux qu’il a mordus est subitement pourrie par la malignité de son venin. Il est semblable au Coule-sang, reste qu’il esleue sa queue en haut et l’entortille comme vn pourceau fait la sienne *.

Pausanias escrit que le Roy d’Arcadie fut blessé par vn pourrisseur, et dit que ce serpent est de couleur cendrée, ayant la teste large, le col estroit, le ventre gros, et la queue courbée , et chemine obliquement en la maniéré des Cancres, ayant des taches séparées les vnes des autres , riolées piolées, c’est à dire de diuerses couleurs, comme un tapis velu.

bes accidens que cause sa morsure sont, grande douleur, qui est faite à cause de son venin bruslant et pourrissant entre tous autres venins, puis vue cheute vniuerselle du poil. Aëce adiouste d’auantage encore plusieurs autres : comme flux de sapg par la playe, et peu apres vne sanie puante, et grande enfleure en la partie. Voila comme par la malignité de ce venin pourrissant, nopseulement les esprits sont vaincus, mais aussi tout le corps, comme si le feu y auoit passé : ainsi que nous voyons aduenir en temps de peste, chaud et humide, où il appert

1 JVicandre. — A. P.

aposleme pestifere, charbons , el autres pourritures.

Et quant aux remedes, ils doiuent estre semblables comme ceux que nous auons escrit delà vipere.