DE LA SALAMANDRE
La Salamandre ne fait seulement mourir les personnes par le venin de sa morsure, comme les autres serpens venimeux ; mais aussi infecte de sa baue les fruicts et les herbes par où elle passe, et d’une certaine humeur espaisse qui lui sort de tout le corps, comme vne sueur, au grand danger de ceux qui mangent desdites herbes, comme on a veu par expérience en plusieurs qui en sont morts. Parquoy ne faut trouuer estrange si aucuns modernes ont dit, qu’aucunes maisons estoient entièrement pertes pour auoir beu de l’eau despuys, dedans lesquels vne salamandre estoit par fortune tombée sans y penser : car si elle grimpe sur vn arbre, elle infecte tout le fruict,et fait mourir tous ceux qui en mangent, de la qualité froide et humide de son venin , n’estant en rien differente de l’aconit.
Aëce dit que ceux qui auront auallé du venin de la salamandre , il sort
1 Cette singulière façon d’exprimer le doute ne se lisait pas en 1579 ; elle n’a été ajoutée ici qu’en 1685,
do leurs corps taches blanches , puis noires , lesquelles se pourrissans,font tomber le poil de tout le corps K
On remedie à leur venin par vomisselnens et clysleres, on donnant aussi du thériaque et melhridat. Auicenne ordonne tnesmes remedesqu’on donne contre l’opion , parce qu’ils Sont tous deux de nature froide : et pour Talexitere propre à tel venin , c'est la terebenthine , le storax, la graine d’ortie, et les fueilles de cyprès.
Dioscoride dit la salamandre est vne espece de lezart de diuerses couleurs : et est folie de dire qu’elle ne se brusle point au feu. Pline dit qu’elle est si froide, qu’elle esteint le feu au toucher seulement , comme la glace ^ : ce qu’elle fait mise sur les charbons , comme on feroit vne carbonnade qu’on y voudroit rostir.
Toutesfois Matthiole dit, qu’estant ietlée au milieu d’vne grande flamme, subit est consommée. C’est, dit-il, grande folie vouloir croire que le feu ne la peut consommer, et qu’elle en vit comme le caméléon de l’air.
La salamandre est noire , semée de grandes taches iaunes, en figure d’estôlles. Elle a vne vertu chaude, corrosiue, et vlceratiue : on en vse aux medicamens, comme des cantharides , à faire vessies, pour nettoyer et consommer les matières coniointes en quelque partie extérieure du corps aux lépreux.
