CHAPITRE V

glGTSES OV raESAGES DE EA PESTE A APYElilE) PRIS PE pA CORBVPTIOIS PE

e’air.

Quand les saisons de l’année ne gardent leurs qualités et températures naturelles, et sont fort xmroode.

rées, à sçauoir quand on voit le temps fort pluuieux et Austral , et l’esté fort cbaud , et que le vent Austral dure long temps sans pluye, et que l’on voit au ciel cometes et estoilles ardentes , qui voltigent et partent de leurs places, tantqu’iisemblequ el' les tombent, auec abondance de tonnerres , et autres cboses que nous auons par cy deuapt dit ! aussi , si ou voit grande quantité de chenilles , et autre vermine qui broustent et rongent les fueilleset gettons des arbres, et les fruits estre vermineux ‘ , et les oyseaux laisser leurs nids, voire leurs œufs et leurs petits, et plusieurs femmes enceintes auorter (qui se fait

1 L’édition de 1568, suivie par celles de 1575 et 1579, portait seulement : Aussi si on vqH les fruiçis pleins de vermines, etc. Le texte ftC'nel e^t donc de l585. 11 convient d’avertir que l’édition de 1598 et toutes les autres après elle opt écrit : hs jruicts estre venimeux-, faute d’iippression qui dénature le sens.

pour la vapeur venimeuse de Pair pestilent , lequel estant inspiré par la mere, estouffe l’enfant par sa malignité ennemie de nature ) : si ces choses , dis ie , sont veuës , on peut véritablement presagir et dire que les causes et signes de corruption sont presens, et qu’ils nous menacent de la peste.

Toutesfois il faut Icy entendre que telles choses apparentes en l’air ne sont point propres causes de la peste, mais que telles impressions aériennes sont engendrées des exhalations et vapeurs de la terre , lesquelles enfin infectent l’air, dont la peste procédé ; car l’air se corrompt par les vapeurs putrides esleuées des entrailles de la terre, pour les corruptions qui sont en icelle , comme de corps morts , esgouts , eaux croupies , et autres causes qu’auons déclarées cy deuant, lesquelles le soleil par sa vertu attire en la moyenne région de l’air, en temps de grandes chaleurs. Et pour ce il ne se peut faire , qu’à cause de l’air estant ainsi corrompu , ne s’ensuiuent diuers effects selon la diuersité de la corruption. Et de là s’engendrent plusieurs maladies epidemiales, c’est à dire, populaires ou vulgaires, ainsi que l’an 1510. suruint vne maladie par tout le royaume de France, tant és villes qu'és villages , nommée par le commun Coqueluche: par-ce que quand aucuns estoieut espris de ceste maladie, ils sentoient grande douleur en la teste, ensemble en l’estomach , és reins, et ésiambes, et auoient fiéure continue, auec déliré et frenesie : et lorsqu’on les purgeoit ou saignoit , on abbregeoit leurs iours. Et d’icelle mourut vn bien grand nombre d’hommes, tant riclies que panures.

Aussi l’an l»39, suruint vne autre

^aladie en Angleterre, et aux basses Alleuiagnes , qui fut nommée du peuple la Suette , pour-ce que les paliens aûoient vue bien grande sueur par tout le corps, avec grand frisson, tremblement, et palpitation de cœur, accompagnée de fiéure continue : et mouroient en peu de jours: et ceste maladie tua aussi vn bien grand nombre de personnes.

Pareillement l’an 1546. régna en la ville du Puy en Auuergne, vne autre maladie nommée du peuple Troussegaland , pour-ce que peu de ceux qui en estoient espris, eschappoient, ains mouroient en deux ou trois iours, ou moins, et plustost les robustes que les débités, et les riches que les pauures. Au commencement les patiens auoient grande pesanteur de tout le corps, auec vne extreme douleur de leste, et fiéure continue, etperdoient toute connoissance, et faisoient tous leurs excremens involontairement sous eux , et auoient grand délire , de sorte qu'il les falloit lier et attacher. Que si aucuns eschappoient, leurs cheueux tomboient : et ladite maladie estoit fort contagieuse. I^’année suiuante vint en ladite ville vne autre plus grande peste accompagnée de bubons et charbons, qui fit aussi mourir grand nombre dp peuple.

Ce que i’ay bien voulu icy annoter, à fin que le chirurgien prenne garde à la grande dinersité et malignité de ceste maladie pestilento pour y ohuier, l’aduertissant d’auantage, qu’en certains temps aduiennont plusieurs autres maladies populaires , comme fiéures putrides , flux de ventre, rheuraes, toux, frénésies, esquinancies , pleurésies , poripneumonies , ophthalmies, apoplexies, léthargies, pourpre, rougeolle, petite verolle, galles, anthrax ou charbons, et au-

très pustules malignes, lesquelles prennent en mesme temps. Partant la peste n’est pas tousiours ny en tout temps d’vne mesme sorte, mais diuerse l’vne de l’autre : qui a esté cause qu’on luy a donné diuers noms, selon les effets et accidens qü’elle produit : ce qui prouient principalement pour la diuersité du venin qui.

est en l’air. Car ainsi qu’il est cause de la vie aux animaux, aussi est-il cause des maladies et de la mort d’iceux , pour-ce que sans iceluy l’animan t ne peut estre ne durer, mesmes vn bien peu de temps , d’autant qu’il est du tout necessaire qu’il soit attiré par la resfiiralion des poulmons:

lequel estant pourri et attiré eu la substance du cœur, abbat toutes les forces du corps , et fait mourir plusieurs animaux pourla nécessité qu’ils ont de respirer. Parquoy lors que l’air pourri et pestiféré exerce sa tyrannie , il tue non seulement le genre humain , mais aussi les bestes de la terre et les oysegux du ciel.

Et pour le dire en vn mot , te] air pestilent estsi furieux qu’il renuerse , dissipe, altéré, brise et corrompt rharutonie naturelle et température de tous animaux , ainsi qu’vu certain foudre et tonnerre liquéfié et consume l’argent d’yne bourse sans la gaster : pareillement fait sortir le vin des tonneaux, sans qu’on puisse apperpeuoir aucune onuerture , aussi fond le fer d’vue pique sans toucher au bois : comminue pt brise les os du corps sans aucune apparence en la chair : qui se fait par vue chose indicible , de laquelle on ne peut donner raison. Combien qu’Aristote liure 5.

des Met(ores , chap. 1. ayant pour résolution de ces questions fait diijision des foudres, en ceux qui sont plus parlicipans de terrestrilé , et en ceux

364 le VINGT-QVATRIEME LIVRE,

qui retiennent plus de la nature et substance de la flammé , et qui sont plus subtils : dit cela aduenir, par-ce que tels foudres de leur subtilité pénétrent aisément au trauers des corps rares et poreux, comme sont les bois, le cuir, la chair et peau , sans les offenser : mais qu’au trauers des denses et solides , ils ne peuuent passer sans effort et violence, dont vient que pour la résistance qui leur est faite au passage , ils les rompent et fracassent. Ce que mesme après Aristote a confirmé Pline, liure 2. chap. 51, et Seneque liure 2. de ses Questions naturelles^. Ainsi est-il delà peste, qui deslruit et corrompt toute l’œconomie de nature.