CHAPITRE XIII

CE QVE DOIVENT FAIRE CEVX QVI SE¬ RONT ESLEVS A PENSER ET MEDICA¬ MENTER LES PESTIFÉRÉS.

Premièrement il faut qu’ils considèrent qu’ils sont appellés de Dieu en ceste vocation pour exercer ia Chirurgie : partant y doiqent aller d’vn franc courage sans aucune crainte, ayans ferme foy que Dieu nous coDserue et oste la vie ainsi et quand il luy plaist : toutesfois (comme i’ay dit cy deuant) ne faut négliger et mespriser les remedespreseruatifs, ou autrement nous serions accusés d’ingratitude , veu que Dieu nous les a donnés, ayant tout fait pour le bien de l’homme.

Doneques les Chirurgiens qdî seront appellés pour médicamenter les malades de peste, se feront purger et saigner s’ils en ont besoin , à fin de rendre leurs corps nets , et non disposés à prendre ce venin : puis après se feront deux ouuertures (s’ils n’auoient quelque vlcere qui coulast) auec cautères potentiels : l’vne au bras droit vn peu au dessous du muscle Epomis, l’autre trois doigts au dessous du genotiil senestre partie externe : car véritablement ou a conneu par expérience , que ceux qui auoient telles ouuertures n’ont esté suicts à prendre la peste, et n’ont recen aucun mal , combien qu’ils fus-

sent iournellement auecles pestiférés.

Pareillement ils selaueront bien souvent tout le corps auec ceste eau , laquelle a grande vertu aromatique , et est fort pleine d’esprits vaporeux et subtils, et du tout contraire à tel venin.

E‘)ii preseruatiue.

"if. Aquæ rosarum , aceli rosati aut sambucini, vint albi autmalualici ana tb. vj. Rad. enulæ campanæ, angeticæ, genlianæ, bistortæ, zedoariæ ana 5.iij.

Baccarum iuniperi etbederæana § ij.

Saluiæ , rorismarini , absinthij , rutæ ana m. j.

Corticis citri § . fi .

Theriacæ, mithridatii ana § . j. '

Conquassanda conquassentnr , et bulliant lento igni , et seruentur ad usum.

On se lauera tout le corps de ceste eau auec vne esponge , la faisant vn peu tiédir. Et mesme conuient en lauer la boucbe et en tirer vn peu par le nez , aussi en mettre quelque petite quantité dedans les oreilles.

Ils doiuent pareillement porter et poser sur la région du cœur vn sachet ou epitheme , semblable à ceux que nous auons descrits cy deuant.

Sur quoy lean Baptiste Theodose, en la seconde de ses Epistres medecinales, escrite à Athanase médecin florentin, dit estre vtile qu’on porte de l’arsenic ou autre poison sur la région du | cœur, à tin qu’il accoustume le cœur au venin , et que par ainsi il en soit moins offensé, d’autant que tous venins cherchent le cœur. Toutesfois tu noieras sur ce propos ce que nous en auons dit auparauant. Leurs habillemens seront de camelot , sarge d’Arras, satin, taffetas, ou semblables. Et s’ils n’ont la puissance, ils auront du marroquin, ou trilly d’Allemagne, ou autre belle toile noire ; et non de drap,

ny de frise, ou de fourrure, de peur que le venin n’y soit reserué, et qu’ils puissent porter la mort aux sîiins. Ils changeront souuent d’habits , chemise et de linceux, si leur commodité le porte, et les parfumeront en fumée de choses aromatiques ; et lors qu’ils approcheront des malades, se garderont de prendre leur haleine et l’odeur de leurs excremens, et pareillement de se couurir de leurs habillemens ou couuerture, ny manger et boire auecques eux, ou le reste qu’ils auront touché de la bouche.

Plus, il leur conuient desieuner de bon malin ; et s’ils abhorrent le manger, comme font aucuns, en lieu d’alimens ils pourront prendre quelques medicamens preseruatifs , desquels nous auons cy deuant fait mention : et lors qu’ils approcheront du malade, ils tiendront en leur bouche vn clou de girofle , ou vn peu de canelle , ou de racine d’angelique , ou graine de genéure , ou autres choses alexiteres, pour occuper et emplir les spatiosilés vuides: et ainsi la vapeur pestiférée ne pourra trouuer place pour s’y loger.

l’allegueray icy, pour exemple du danger qu’il y a de hanter les infectés, ce qui m’aduint vne fois allant penser vn pestiféré, qui auoit vn bubon pestiféré en l’aine dextre, et deux grands charbons au ventre : prés duquel estant arriué , ie leuay de dessus luy le drap et la couuerture, dont après me vint saisir vne odeur très felide, prouenant tant de la sueur de son corps, que de l’exhalation putride du coulement de la boue de son aposleme et de ses charbons ; et lors ayant esté englouti de ceste vapeur , ie tombay promptement à terre comme mort, ainsi que font ceux qui syncopisent, c’est à dire à qui le cœur defaut, mais

DR La peste.

sans aucune douleur , ny mal de cœur , signe manifeste que la seule faculté animale esloit offensée: puis tpst après m’estant releué, il me sembloit que la maison tournast sens dessus dessous , et fus contraint d’embrasser vn des pilliers du lit où estoit couché le malade, autrement ie fusse tombé de rechef. Et ayant quelque peu de temps repris mes esprits, i’esternuay dix ou douze fois, auec vne telle violence que le sang me soriit par le nez : qui fut cause, à mon opinion (sauf meilleur lugement) que la vapeur pestiférée ne me fit aucune impression. Or ié laisse au lecteur à philosopher si la mort ne s’en fust pas ensuiuie , n’eust esté la force de la vertu expultrice de mon cerueau , veu que tous mes sens, et principalement la faculté animale, me défaillirent en vn moment, qui sont les instrumens de l’ame.

Pour ces choses, ie conseille tant aux médecins qu’aux chirurgiens, mesmes à tous ceux qui fréquentent ceux qui sont infectés de ceste pernicieuse maladie, qu’ils se gardent, tant qu’il leur sera possible , de receuoir leur haleine et vapeurs de leurs excremens , tant gros que liquides et vaporeux:

aussi qu’ils desieunent les matins , ou prennent quelque contre-poison auparauant que de les aller voir, à fin de mieux se munir contre le venin pestiféré. Et pour conclusion, on obseruera toutes choses que l’on connoistra estre profitables ou nuisibles en ceste maladie pestilente, à fin de les suiure ou euiler selon qu’il en sera besoin, reconnoissant toutesfois que la preseruation gist plus en la prouidence diuine qu’au conseil du médecin ou chirurgien.