DV TAVREAV DE LA FLORIDE

Il se trouiie és Indes plusieurs sortes d’animaux ayans vne seule corne, comme vaches et taureaux, cheuaux, asnes, chéures, daims, monoceros :

autres ayans deux cornes, et plus. Et pour la renommée des vertus que l’on attribue à la licorne , il est vraysemblable que chacune nation se plaist à luy donner le nom de Licorne, comme auons dit cy dessus.

ïheuet tome 2, liure 23, chapitre 2, dit qu’en la Floride se trouuent de grands taureaux, que les saunages appellent Bulrol , qui ont les cornes longues seulement d’vn pied, ayans sur le dos vne tumeur ou bosse comme d’vn chameau, le poil long par dessus le dos, de couleur faune, la queue comme celle d’vn Lion. Cest animal est des plus farouches qu’on sçache trouuer , à cause dequoy iamaisne se laisse appriuoiser, s’il n’est desrobé et raui petit à sa mere. Les saunages se seruent de leur peau contre le froid : et sont ses cornes fort estimées, pour la propriété qu’elles ont contre le venin ; et partant les Barbares en gardent , à fin d’obuier aux poisons et vermines qu’ils rencontrent allans par pays ‘.