CHAPITRE XIII

»V rOlSSON NOMMÉ VLEÎIF , ESPECE DE LICORNE DE MER.

André Theuol en sa Cosmographie , dit que courant fortune en l’Ocean és costes d’Afrique , visitant la Guinée et l’Anopie , U a veu le poisson cy api’éa représenté, ayant vne corne sur le front en maniéré d’vne soie , longue de trois pieds et demy, et large de quatre doigts , ayant ses pointes des deux costés fort aiguës. Il secom-

bat furieusement de ceste CornC; Ceux de la Guinée l’appellent en leur iargon Vletif.

Défunt monsieur le Coq, Auditeur en la Chambre des Comptes à Paris , me donna vne corne dudit poisson qu’il gardoîl en son cabinet bien chèrement ; lequel sçachant que i’estois curieux de rechercher les choses rares et monstrueuses, desira qu’elle fust mise en mon cabinet , auec mes autres rarités. Ladite corne est longue de trois pieds et demy , pesant cinq liures ou enuiron, ayant cinquante et vne dents aiguës et Iren*.

chantes, longues du trauers d’vn pouce et demy ; estans icelles dents vingt-cinq d’vn costé , et vingt-six de l’autre. Ceste corne en son commencement est large d’vn demy pied ou enuiron, allant tousiours en diminuant iusqu’à son extrémité , Où elle est obtuse ou mousseuse, estant platle , et non ronde comme les autres cornes. Le dessus est de couleur comme d’vne sole, et le dessous I aucunement blanc, et fort poreux.

; Il s’en trouue d’autres moindres, et plus petites , selon l’aage du poisson.

Plusieurs estiment ledit animal estre vne licorne marine , et s’en seruent contre les morsures et piqueures de bestes venimeuses , comme l’on fait de la "corne de licorne. Le populaire l’estime estre vne langue de serpent , qui est chose faulse.