CHAPITRE I

QVE c’est QVE MEDICAMENT, ET LA DIF¬ FERENCE ENTRE MEDICAMENT ET ALI¬ MENT.

Médicament est la chose qui peut altérer Nature en vne qualité ou plusieurs, et n’est point conuertie en sa substance ; au contraire d’aliment, lequel n’altere point ou peu Nature, et se conuertit en la substance de nostre corps. Toutesfois médicament et aliment sont pris et vsurpés par comparaison du corps qui est médicamenté ou alimenté , en sorte qu’vn médicament peut estre aliment à vn.

DFS WEDICAMENS,

et médicament à l’autre ; comme par exemple l’ellebore est aliment à la caille , et médicament aux hommes :

aussi la ciguë est aliment à l'estourneau, et poison à l’oye : pareillement l’herbe appellée fende, est aliment à l’asne , et est venin à toutes autres bestes cheualines. Et ne se faut esbabir si ces choses sont alimens à telles bestes : car il faut estimer qu’elles sont conuenables à leur nature. Ce qui peut aussi aduenir aux hommes par accoustumance et long vsage, desquels est faite naturelle habitude.

Et de cecy les h stoires anciennes en font foy, esquelles nous lisons qu’aucuns ont esté nourris de venins*, comme la fille qui futeuuoyée à Alexandre-le-Grand, laquelle auoit esté nourrie de napel et autres venins, et par longue pratique en auoit fait nature et habitude, de sorte que son haleine estoit poison mortelle aux hommes. Parquoy ne se faut donner merueille si les medicamens sont aucunesfois conucrtis en alimens ; ce qu’on voit aussi iournellement aux poulailles et porcs, lesquels mangent serpens, crapaux, et autres choses venimeuses sans dommage :

mesmes que la cicoigne et plusieurs autres animaux s’en nourrissent, et leurs petits.