DES GARGARISMES
Gargarisme est vne liqueur appropriée au lauement de la bouche et de toutes les parties d’icelle , tant pour empescher fluxion et inflammation, que pour curer vlceres de la bouche et appaiser douleurs.
Les gargarismes sont composés en deux maniérés. La première est , quand on fait cuire racines, fueilles, fleurs , fruits , et semences seruans à nostre intention. La décoction est faite en eau seule, ou eau et vin blanc , ou en gros vin rouge et stiptique , ou en ptisane , ou laict clair , ou décoction d’orge, ou décoction pectorale : le tout selon la diuersité de nostre intention, qui est ou de repousser, rafraischir, et empescher l’inflammation, comme en mal de dents qui se fait : ou de digerer, comme en mal de dents qui est ja fait ; ou de mondifier, comme en vlceres de bouche : ou de seicher et astreindre, comme quand il est question de fermer iceux vlceres ja parauant mondifiés. L’autre maniéré de composer gargarismes est sans décoction, quand nous faisons gargarismes, ou auec les eaux distillées seulement, ou meslées auec syrops , ou auec mucilage, ou auec du laict de vache, ou laict clair de chéure, bien passé et coulé. Aucunesfois on mesle, tant auec la décoction que les eaux et mucilages, miel rosat, oxymel simple, dianucum , diamoron , hiera picra , 1 oxysacchara, syfop de roses seiches, I
syrop aceteux, et autres syrops selon nos intentions susdites : alum, balaustes, myrrhe, thus, gingembre, poyure, canelle, roses seiches, et autres ; iusques là mesme , que quelquesfois en la décoction des gargarismes, nous y faisons entrer medicamens propres à attirer les humeurs du cerueau , comme le pyrethre , le carthame, la racine de turbith, et autres , propres à tirer la pituite , moyennant qu’ils n’ayent aucune I amertume en soy : qui est cause que ny l’agaric, ny la colocynthe , n’ont lieu en ceste composition.
Là quantité de la totale liqueur d’vn gargarisme doit estre comme de demie liure iusques à vne liure : on y met des syrops, ou autre telle composition , iusques à deux onces. Les poudres sont mises en bien petite quantité , comme iusques à trois drachmes : d’alum on y met iusques à six drachmes : les mucilages faits de deux drachmes des semences mucilagineuses. Les exemples feront le tout assez clair et facile.
Gargarisme astringent et repercussif.
:2f. Plantaginis , polygoni , oxalidis ana m. j. Rosarum rubrarum p. fi.
Hordei p. j.
Fiat decoctio ad g . vîij. in qua dissolue : Syrupi myrtillorum 3. vj.
Dianucum f . fi.
Fiat gargarisma.
Gargarisme anodyn.
Chamæmeli, melilotl , anethi ana p. j.
Rosarum rubrarum p. fi .
Passularum mundatarurn et ûcuum ana paria iij.
Decoquantur in æquls partibus vini albi et aquæ ad § . vj. addendo mucilaginis seminis Uni et fœnugræci ana § . ij.
Fiat gargarisma.
DES MEDICAMEWS.
Gargarisme mondificatif,
"îf. Aquæ plantaginis , aquæ ligustri et absinthij ana § . ij.
Mellis rosati colati 3. vj.
Syrupi rosarum siccarum et de absinthio ana 3. vj. I
Fiat gargarlsma.
Nous vsons des gargarismes au matin et à ieun, après les purgations vniuerselles, tant pour deterger, refroidir, repercuter, attirer, que pour appaiser douleurs, et autres intentions. Aucunesfois l’on les prend tous froids, principalement quand il se fait quelque distillation d’humeur acre et subtil : autresfois on les fait tiédir, selon les indications que nous auons tant des maladies que du temps.
